ANPA A MARISMA
1.
PRESENTACIÓN
A Asociación
de nais e pais A MARISMA é unha asociación voluntaria de nais, pais e
titores legais do alumnado da EEI A MARISMA que comparten inquietudes e
están dispostos a traballar e colaborar coa comunidade educativa.
A función
da ANPA é axudar ao servizo escolar, realizando diferentes actividades
(festas como Samaín, magosto, nadal, fin de curso ..., excursións...) e poñendo
en funcionamento novos servizos ou mellorando os existentes (Plan madruga,
Servizo de comedor, Autobús escolar ...).
A
Xunta Directiva, xunto cos voluntarios/as que desexen colaborar, dentro das
súas posibilidades e de maneira desinteresada, dedican parte do seu tempo e
moito esforzo a representar as nais, pais e titores legais ante os órganos
municipais e ante a Dirección e o Profesorado da Escola, cos que colaboramos en
beneficio da educación dos nosos fillos/as.
A ANPA
recibe aportacións por parte dos asociados/as, doazóns ou subvencións que
poidan conceder organismos públicos, entidades privadas ou particulares...
Todos
os beneficios obtidos destinaranse exclusivamente ao cumprimento dos seus fins
e o estado de contas estará a disposición dos asociados/as.
Estamos
abertos a novas propostas e todo o que queira pode colaborar connosco,
facéndose membro da asociación. Así mesmo, tamén se pode axudar participando
coma voluntario/a na montaxe e realización de festas, decoracións, …
Toda a
axuda é necesaria para o bo funcionamento da Escola e dos servizos que se
ofrecen.
2.
SERVIZOS
A
través da ANPA ofértanse os seguintes servizos segundo as necesidades
das familias:
Plan madruga: horario de entrada flexible, entre 7.45 – 9.00 h.
Os
nenos/as deben vir almorzados da casa.
Este
servizo ofrécese a través dunha empresa especializada neste tipo de servizos.
Servizo de comedor: horario entre 14.00 – 16.00 h.
Os
nenos/as deben ser recollidos, como máximo, 5 min. antes do peche do comedor.
Deberán
traer un mandilón debidamente etiquetado co nome do neno/a.
Este
servizo ofrécese a través dunha empresa especializada no servizo de Catering.
Existe
a posibilidade de solicitar unha axuda de Comedor escolar dentro do prazo
establecido pola Concellería de Servizos Sociais do Concello.
Autobús escolar: serán informados na Escola dos horarios e paradas que
realiza o autobús.
Durante
a prestación destes servizos é necesario que o neno/a leve máscara e
portamáscara.
Estes
servizos poderán solicitarse para todos os días da semana, determinados días da
semana ou días esporádicos. Neste último caso, solicitándoo coa antelación
mínima establecida.
As
nais, pais e titores legais interesados nestes servizos deben cubrir o formulario
de Solicitude de praza de servizos que se pode descargar no apartado ¨MODELOS¨
da ANPA e enviar por correo electrónico a: anpa.eeiamarisma@gmail.com ou entregar na Escola.
Unha vez confirmada a praza no Servizo
de comedor deberán cubrir o formulario
de Autorización recollida de comedor que se pode descargar no apartado
“MODELOS” da ANPA e enviar por correo electrónico a: anpa.eeiamarisma@gmail.com
ou entregar no local do comedor.
Nos
Servizos de Plan Madruga e de Comedor, se hai máis familias que soliciten os
servizos que prazas dispoñibles terán preferencia os que xa son usuarios, os
que vaian todos os días, os que teñan irmáns/ás,...
IMPORTANTE: para acceder a estes servizos é NECESARIO SER SOCIO/A DA ANPA.
3.
SOCIO/A ANPA A MARISMA
Poderán
ser integrantes da ANPA todas aquelas nais, pais ou titores legais do
alumnado inscrito na Escola que aboen as
cotas acordadas no prazo estipulado.
A cota
consta dunha aportación de 20€ anuais por neno/a (2º alumno irmán/á 10€) que
debe ingresar no seguinte número de conta:
ABANCA:
ES83.2080.5209.4230.4000.2219
IMPORTANTE:
Indicar en concepto: Nome/Apelidos do
neno/a e curso ao que pertence (4º, 5º, 6º).
Transcorrido
o prazo estipulado para ser socio/a da ANPA, as nais, pais ou titores legais
que desexen ser socios/as deberán realizar o ingreso da cota anual na entidade
bancaria e comunicalo á ANPA a través do seu correo electrónico (anpa.eeiamarisma@gmail.com).
Os socios/as
da ANPA A MARISMA poderán obter descontos en determinados establecementos,
centros e clubs deportivos de Redondela que colaboran coa ANPA A MARISMA.
Esta información será entregada co carné de socio/a.
4.
MODELOS
· Solicitude de praza de servizos
· Autorización recollida de comedor
FICHA SOCIOS ANPA DESCARGAR AQUÍ